Daily Archives: January 16, 2012

Faallo: SOMALIA WAA DAWLADDA UGU FACA-WEYN DAWLADAHA FASHILMAY ! kadib Waa Mirihii ka Dhashay Qiyaanaddii Mahiiga.

Nairobi:- Soomaaliya oo aysan dawlad dhexe oo shaqeysa ka jirin tan iyo sanadkii 1991, 20 sano ka hor ayaa waxaa soo wajahay mid kamida waji gabaxyadii ugu taariikhda xumaa ee soo  mara 20-kii sano ee ugu dambeysay oo uu dalku colaadaha dhex dabaalanayay, kadib markii madaxda golayaasha DFKMG Soomaaliya, Puntland iyo Galmudug ay fashil kii ugu xumaa kala kulmeen kullan u muuqday iney qaramada Midoobay ugu soo gurmatay Augustine Mahiga, oo ah wakiilka xafiiska qaramada midoobay ee siyaasadda Soomaaliya (UNPOS).

Mahiga ayaa u muuqanaya in gurmadkuu u doontay New York uu sahlay inuu Nairobi ku keeno labo kamida wakiilada joogtada ah ee Golaha ammaanka oo kala matalaya wakiilada golaha ammaanka ee dalalka UK, Koonfur Afrika, kuwaaso shir micno badan aysan kasoo bixin siyaasiyiinta Soomaalida ugu qabtay Nairobi.

Guudmarka Faallada

- Golaha ammaanka oo canaan tii ugu kululeyd u gudbiyay Labo Shariif

- Ban Ki-moon oo sheegay in  Beesha Caalamka dulqaadkii ka dhamaaday

- QM waxaa Kullanka u matalayay wakiilada UK iyo Koonfur Afrika

- Xukuumadda, Baarlamaanka, Puntland iyo Galmudug ayaa joogay Kullanka

Siyaasiyiinta Soomaalida iyi Nuxurkii Kullanka

Xubnahan ka socday Gollaha ammaanka ee Qaramada midoobay ayaa si cad siyaasiyiinta Soomaalida dhabarka u saaray waji gabaxnimo tii ugu xumayd ee waayadanba soo wajahda Dowladda iyo guud ahaanba siyaasiyiinta, kadib markii kulan Arbacadii 25 May lagu soo gabagbaeeyay magaalada Nairobi lagu ogeysiiyay in hadii aan lasoo afjarin ismarinwaaga siyaasadeed ee ka dhex taagan dowladda KMG ah ee Soomaaliya gaar ahaana madaxaweyne Shariif Sheekh Axmed iyo Gudoomiyaha Baarlamaanka Shariif Xassan Sheekh Aadan ayaa taasi khatar aad u daran gallin doonto iney DFKMG Soomaaliya lumiso taageerada dhaqaale ee ay ka hesho beesha caalamka, iyagoo loogu goodiyay in xal kama dambeysa ah ay u helaan muran siyaasadeed ka dhex taagan, golayaasha Baarlamaanka iyo Xukuumadda Soomaaliya.

Goodintan ka imaanaysa gollaha ammaanka ee qaramada midoobay balse ay soo gudbiyeen wakiilada joogtada ah ee Gollaha ammaanka u matala dalka UK oo uu ka socday Danjire Marka Lyall Grant iyo Wakiilka Qaramada Midoobay u jooga dalka Koonfur Afrika Baso Sangqu, iyadoo ay arintani imaaneyso wakhti ay dhawr bilood ka dhiman tahay wakhtigii uu ku ekaa kumeel gaarka oo dhamaanayo bisha August ee sanadkan, waxaana ka hor intaana wakhtigaasi la gaarin tilbaadii la qaadi lahaa hareeyay ismaandhaafka siyaasadeed ee ka dhex alloosan Shariif Xasan oo gudooomiyaha Baarlamaanka iyo Shariif Sheekh Axmed oo Madaxweynaha Dalka oo garabsanaya xukuumadda RW Farmaajo.

Labada Shariif ayaa mar ahaa saaxiibada isugu dhaw siyaasadda Soomaaliya, waxayna ku dhawaad saddex sano ka hor wada rarteen hayaan siyaasadeed meesha looga bixiyay Xukuumadii Nuur Cadde ee uu madaxweynaha ka ahaa Cabdulaahi Yuusuf, waxa uuna hayaankaasi oo ay labadooda iyo rag ay kamid ahaayeen Proff Ibbi iyo siyaasiyiin kale dhalay in meesha laga saaro Dowladii Cabdulaahi Yuusuf .

Dhamaadkii sanadkii 2009 shir lagu qabtay Jabuuti ayaana lagu soo dhisay dowlad loogu magac daray dowladda midnimo qaran waxaana baarlamaankeeda la gaarsiiyay 550 xildhibaan, iyadoo la isla qirsan yahay in arintaasi uu xaakim amaba garsoore inuu wakhtigaasi saxan yahay isu arkayuu ka ahaa Axmed Wallad Cabdalla oo ahaa u qeybsanaha Ban-ki-moon ee Siyaasadda Soomaaliya.

Susan Rice oo ku Hanjabtay Bogeeda Twitter-ka

Kalonzo Musyoka-Madaxweyne ku xigeenka Kenya iyo Susan Rice Danjiraha Mareykanka ee Qaramada Midoobay oo ku kulmay Gigiri/ Isha Daily Nation

Inkastoo haweenayda ugu sareysa mareykanka hogaanka Danjiraha gollaha ammaanka iyo guud ahaanba ururka Qaramada Midoobay aysan kulanka kasoo qeyb galin haddana Susan Rice oo haatan ku sugan Nairobi ku shaacisay bogeeda Twitter-ka ee isku xirka bulshada fariin gaara oo ay ugu tallo gashay madaxda Dowladda Waxayna tiri

Waa inaad wada shaqeysaan, xalisaan khilaafaadkiina iyo waxa idiin dhexeeya, amase waad lumin doontaan taageerada Beesha Caalamka” ayuu ku goodisay Susan Rice…

Hanjabaadan ayaa u muuqanaysa mid waji gabax ku ah gollayaasha dawladda iyo masuuliyiinta ugu sareysa Dowladda Soomaaliya sida Madaweyne Shariif Gudoomiyaha Baarlamaanka iyo sidoo kale RW Farmaajo, iyadoo ay Qaramada Midoobay iyo Ururka Midnimada Afrika u muuqdeen iney masuuliyad iska saarayeen ka shaqeynta xasilinta Soomaaliya, maadaama ay maleeshiyo Diimeed hubeysan ku kacsan tahay DFKMG Soomaaliya iyo ciidamada Midawga Afrika ee Amisom.

Kooxda Al Shabaab oo aad u xooggan isla markaana loo aqoonsan yahay wakiilka alqaaciadda ee Soomaaliya iyo bariga Afrika ayaa gacanta ku haysa qeybo badan oo kamida Koonfurta Soomaaliya iyo degmooyin ka tirsan caasimadda Muqdisho, taasoo gabiba meesha ka saaraysa amaba adkaynaysa in la qabto doorashooyin guud oo dalka ka hirgala 20 sano kadib oo uu jahwareer siyaasadeed dalku ku jiray.

Gollaha amnigu waxay ka doonayaan Baarlamaanka Soomaaliya ansixinta hanaanka xisbiyada Siyaasadeed taasoo lagu salaynayo hanaanka beelaha Soomaaliyeed ee wax lagu qeyb sado kadibna loo gudbo doorasahada madaxweyne, kaasi oo isaguna soo magacaaba Ra’isul wasaare soo dhisa xukuumad dalka ka hawl gasha, laakiin muhiimadda taasi waxaa laga hormariyay in Soomaalidu ay iyadu aayaheeda ka tashato isla markaana isku argto magaalada Muqdsiho oo ay Xukuumadda Soomaaliya gogol dhigeyso bisha soo socota ee June.

“Labo Dibi meesha ay ku dirirto Cawska waa ka Gurmaa” Waa xikmad Soomaaliya oo lagu tilmaamo madashan oo kale oo ay Soomaaliya ku gorgortamayaan Siyaasiyiin manaxayaalla, iyo qaar aysan ku jirin wadniyad qiime leh, haddana ay shacbigii Soomaaliyeed u dhamaanayaan    Gaajjo, cuduro, ooh iyo haraad ay abaaruhu sababeen waxaa meesha ku dhamaada shacbiga aanan tabarta iyo taagta toona lahayn oo aan ula jeedo dagaalka labo Shariif oo iyagu 2009-kii ahaa siyaasiyiinta isugu dhawaa Soomaaliya waxa uu baabi’inayaa labo rajo oo u muuqanayay Shacbiga iyo xukuumaddan u badan dadka Qurbaha ka yimid ee uu Farmaajo hogaamiyo.

Labada golle ee Baarlamaanka iyo Xukuumadda ayaa si gooni gooniya ugu kala darsaday wakhti kordhin, Baarlamaanku waxay ku darsadeen iney sii shaqeeyaan saddex sano halka xukuumaduna ay ansaxsatay iney sii shaqeyso  muddo sanada.

Caawaqib Xumo Loogu goodiyay Dowladda

Shir saxaafadeed ay gabagabadii kullanka isugu yimaadeen golihii ammaanka ee kulankani isugu yeeray siyaasiyiinta Soomaalida ayaa waxaa ka hadlay Danjiraha UK u fadhiya Gollaha amaanka ee Qaramada Midoobay Mark Lyall Grant, waxa uuna tilmaamay in nuxurka hadalka Susan Rice uu ahaa mid saxa oo sidii la rabay loo abaaray.

“Fariin aad u kulul ayaa loogu baaqay,” ayuu yri Mark Lyal, waxa uuna intaasi raaciyay

“Waxaanu u cadeynay Soomaalida in taageerada Bulshada Caalamka aysan xaqiiqi sii ahaan doonin xilli walba oo ay fadqalalo siyaasadeedkan iyo ismaandhaafkan gudaha ah uu sii socdo”, Mark Lyal oo ay wajigiisa carro ka muuqatay ayaa hadaladaasi ku canaantay madaxda Dowladda, waxa uuna intaasi ku daray in madaxweynaha iyo afhayeenka Baarlamaanka ay si dhaba u ogaadaan in arintani cawaaqib xumo ay keeni doonto haday u caal waayaan iney isla gaaraan heshiis iyo xal degdeg ah.

“Waana in la joojiyaa Muran siyaasadeedka micno darada ah” ayuu kusoo xirtay oraahdiisa Danjire Mark Lyal.

Gollaha ammaanka ee Qaramada Midoobay oo gooddi aad uu adag u soo jeediyay DFKMG Soomaaliya ayaanan si dhab ah u cadeyn tilaabada ay siyaasiyiintani ka qaadan doonaan, laakiin hadana waxay iyagu ku adkaysanayaan iney joojinayaan maalgalinta iyo dhaqaalaha ay dalalka deeqda bixiya siysaan Soomaaliya.

Waxaana lawada ogsoon yahay in dalalka caalamiga ah ee deeqaha bixiya ay ciidamada xoogga dalka Soomaaliyeed siiyaan mushaaraadkooda sida ay sheegtaan halka midawga Yurub-na ay bixiyaan dhaaqaalaha baarlamaanka iyo ciidamada midawga afrika ka jooga caasimadda Soomaaliya, iyadoo sidoo kalana ay deeq bixiyayaashu DFKMG Soomaaliya siiyaan gargaar bani aadanimo oo xoogaaya.

Danjiraha UK u fadhiya Gollaha amniga oo arintani farta ku fiiqayay ayaa tilmaamay in kaalmooyinka banii aadanimo ee lasiiyo Soomaaliya ay isugu jiraan qeybo kala duwan guud ahaan, balse haatan waxaan sawir guud ka bixinayaa iney soo bixi karaan duruufo lagu weecinayo baaqiga gargaarkani, waxayna arintani ku xiran tahay go’aamada ay qaadanayaan Golaha xukuumadda iyo kan Baarlamaanka.

Dowladaha KMG ah oo laga daallay

20kii sano ee ugu dambeysay waxaa lasoo dhisay amaba lasoo dhoodhoobay in kabadan 4 Dowlad ooo KMG ah kuwaasoo dhamaantood lagu abaarayay in dalka Soomaaliya ay ka hirgaliyaan nabad dib u heshsiisin, xaliisooni iyo in la qoro amaba isbadallo lagu sameeyo dastuur-kii dalka si loo qabto doorashooyin guud, laakiin taasi waxay noqotay waxba kama dhibcaan iyo in lagu guul dareysto, waxayna KMG-kii ugu dambeeyay ee lasoo dhisay ahayd tan haatan uu wakhtiga ka dhamaanayo oo 7-dii sano ee ugu dambeysay loo aqoonsanaa xukuumadda Soomaaliya.

Dhinaca kalana xogahayaha guud ee Qaramada midoobay Ban Ki-moon ayaa isaguna hadaladani xooojiyay mar uu ka qeyb galayay kullan ka dhacayay magaalada Addis ababa ee xarunta midawga Afrika taasoo lagu qabanayay kullan degdeg ah oo looga arinsanayay xaaladda Liibiya.

“Gollaha ammaanka iyo dalalka Deeqda bixiya waxaa ka dhamaanaya dulqaadka ku aaddan hogaan siyaasadeedka Soomaaliya maadama ay hareeyeen xiisado siyaasadeed”  ayuu Ban-ki-moon tilmaamay.

Gurmadkii Mahiga oo Goodis Hadalkoodii Noqday

Marka laga fiiriyo kullankani waxa sababay inuu soo degdego amaba siyaasiyiinta Soomaalida la isugu keeno wakhti dhakhso ah Nairobi, ayaa waxa uu noqonayaa Kullankani kii 2-aad muddo 2 bilood gudahooda la isugu keeno caasimadda Kenya, inkastoo kii hore ay diideen Madaxweyne Shariif iyo RW Farmaajo, laakiin haatan kullankani waxa uu u muuqanayaa in Gurmadkii Mahiga uu shaqeeyay oo uu Nairobi keenay masuuliyiintii horey Mahiga ugu jaakiray canaana dhegaha gurmadkani uu dhegaha ugu shubay siyaasiyiinta Soomaalida dhamaantood.

Mahiga waxa uu u muuqday bishii hore siyaasi looga adkaaday fagaare siyaasadeedka Soomaaliya, hadii saas lagu sii wadi lahaana waxaaba dhici kartay in xilka laga xayuubiyo, laakiin talo siyaasadeed wanaagsan oo uu ku burburiyay wax badan oo aysan shacbiga iyo xukuumadda tayo la Dhacsaneynba ayaa u hirgalay waayo waxa uu Nairobi keenay xubnaha gollaha amaanka oo maalmahanba kusoo wajahnaa qaaradda Afrika oo ay kulamo gooni gooni ah ku tagayeen dalalka qaar, sida Ethiopia oo ay uga qeyb galleen kullan looga hadlayay nabadda iyo ammaanka waxayna sidoo kale tageen magaalooyinka Khartoum iyo Juba ee Sudan.

The Council has five permanent and veto-wielding members namely the US,UK, Russia, China and France. In addition, there are 10 non-permanent members who are elected every two years.

Gollaha ammaanka, kuwaasi oo madaxdii Soomaalida halkan isugu keenay haddana aanan macnawi ahaan hadalo qiimo gaar leh aanan u sheegin.

Xubnaha Gollaha Ammaanka

Gollaha ammaanka ayaa waxa uu ka kooban yahay 15 xubnood, 5 xubnood oo joogta ah kuwaasi oo leh awoodda codka diidmada qayaxan, waxaana xubnahaasi kamida USA, UK, Ruushka, Shiinaha iyo Faransiiska.

10-ka kalana waxaa lasoo doortoo wakhti walba labo sano kadib, haatana waxay kala yihiin Germany, Bosnia, Portugal, Herzegovina, Koonfur Afrika, Gabon, Columbia, Nigeria, Lebanon, Brazil  iyo Hindiya.

Faroolle iyo Caalin oo waji gabaxnimo ku timid

Labada Madaxweyne ee Maamulada Puntland iyo Galmudug oo waayadanba u muuqday iney ku jiraan is gaashaanbuureysi ka dhan ah xukuumadda RW Farmaajo iyo kursiga madaxweyne Shariif ayaa shirka kala tagay iyaguna cawaaqib xumo, dhankooda ah kadib markii ay bilihii ugu dambeeyay u ololaynayeen in la qabto doorasho madaxweyne, waxa ayna labadooduba u muuqdeen kuwo degdeg farabadani ku jiro, marba hadii  Nairobi la isaga yeero.

Cabdiraxmaan Maxamed Faroolle Hogaamiyaha Puntland oo u muuqanaya inuu waxbadan ka tabanayo Federaalka ayaa horey dhawr jeer u dhaliilay xukuumadda waxa uuna goor sii horeysay ku dhawaaqay iney gogol nabadeed iyo mid dib u heshiisiinba dhigayaan Puntland si ay Soomaalidu aayaheeda uga tashato, taasoo ay waxba kasoo naasa cadaan waayeen.

Madaxweynaha ayaa u muuqanaya in safari badan oo aanan micno badan ku fadhiyin oo uu dibadda ku aaddayo iyo sidoo kale kharashaad badan oo ka imaanaya khasnada dowladda, xilli ay qaar kamida shacbiga reer Puntland ay haystaan dhibaatooyin ay kamid yihiin amni xumo maalmahan ku timid qaar kamida magaalooyinka waaweyn sida Boosaaso iyo Gaalkacyo oo laga fuliyo dilal qorsheysan, waxaana sidoo kale jira ineysan dowladdu wali soo afjarin colaadihii iyo dhibaatoyinkii ka dhacay magaalada Gaalkacyo dhinaca Puntland oo ay ku dagaalamaeen qaar kamida Beelahga dega Puntland, waxaana la tilmaamayaa in arintaasi Dowladda Puntland si weyn u dayacday.

Isla ninka waayadan siyaasadda saaxiibka ay Faroolle ku yihiin ee Maxamuud Axmed Caalin Hogaamiyaha Galmudug ayaa isaguna horey u shaaciyay in Galmudug ay diyaar u tahay iney goobaha ay ka taliso ku qabato doorashada Madaxtinimada Soomaaliya ka hor bisha August ee sanadkan 2011.

Waxayna labadan arimoodba kuu muujinayaan ineysan labadan maamul dhexdhexaad ka ahayn khilaafka labada golle ee Dowladda Soomaaliya, amaba soo kala dhex galay labada Shariiif  iyagoo si bareera ah u burburinaya dareenka Xukuumadda Farmaajo oo u muuqata mid gabalkeedu uu sii dhacayo, maadaama canaasiir farabadani ay kusii kacayso.

Farmaajo oo Furihiisa Dhakhso ku dhiiba

Inkastoo nin geesiya, Raggu geed adeyg yahay, Haddaan garabka lala qaban Guri ooddi maayeeGacma maran Illaah baan Guudkood xil saarine,  Sida geyi abaareed Cawl gooni daaqaan Awadaa go’doomee

Murti iyo Maanso waliba xusuusbay kugu reebtaaye beydadkan kore oo ku jiray heestii Gufaaco ee Maxamed Saleebaan Tubeec, waxayna beydadkani igu soo hinqadeen kadib markii aan dareemay go’aamada degdega ah ee RW Farmaajo oo u muuqnaya Siyaasi kasban kara shacab dhinaca ka hadalka waxyaabaha ay qabteen iyo dhiiri gelinta hawlaha gollaha wasiirada, laakiin ku sifoobaya siyaasi furihiisa dhakhso ku dhiiba amaba aanan lahayn go’aan siyaasadeed fadhiya oo qancin kara shacbiga la dhacsan hanaan siyaasadeedkiisa uu marka hore soo qadimo.

Ku ilduufidii Qodobka 4.5

Bishii Oktoobar sanadkii 2010 markii uu meesha ka baxay RW hore Cumar Cabdisrashiid Cali ee uu madaxweyne Shariif Sheekh Axmed u soo magacaabay hogaanka Gollaha wasiirada waxa uu qaadtay go’aan ka baxsan dastuurka oo ahaa inuusan 4.5 waxba kusoo dhisaynin ee uu hareer marayo hanaanka afarta beelood iyo barka, haddana inkastoo aan hubo in shacbiga qabyaaladda ka marani ay yar yihiin hadana hadalkaasi waxaa hubaala in dad badani u riyaaqeen, ayna ku tilmaameen halyeey, iyadoo ay cadeyd in Dastuurka Soomaaliya haatan u degsan uu hareer maray RW Farmaajo, waxayna arintani dhalisay go’aan siyaasadeedkii ugu horeeyay ee degdega ahaa inuu kasoo noqdo Ra’iisul wasaaruhu maadama qodob dastuuri ah uu ku ilduufay.

Ka adkaanshihii Mahiga iyo Maalintii Xumeyd ee 25 May

Maxamed Cabdulaahi Farmaajo oo la is dhihi karo waa RW ugu horeeyay ee wax uuna ka kasbada shacbiga Soomaaliyeed gudaha iyo dibedda labada waxa uu go’aan adag oo aad loogu qancay uu qaadtay Bishii hore ee April oo uu Nairobi ka dhacay kullan wada tashi ah oo Mahiga isugu yeeray Siyaasiyiinta Soomaaliya si looga wada hadlo waxa lagu sheego aayaha Soomaaliya, laakiin waxa ay isaga iyo xukuumadiisaba oo taageero ka helaya madaxweyne Shariif qaadteen Tilaabo inta badan shacbiga Soomaaliyeed ay soo dhaweeyeen laakiin Beesha Caalamka dareen galisay.

Waxa lagu sargoyn karaa in Soomaalidu ay u soo dhaweysay iney 20 sano kadib arkeen xukuumad beesha caalamka waxa ka diidi karta tii ugu horeysay halka kuwii hore wax loo yeerin jiray, iyo Qaramada Midoobayna dareen ku beertay gogol dhigiisu ahaa, nin la leeyahay waxba leeyahay oo aan ula jeedo, xukuumad wax ka diidi karta Qaramada Midoobay Soomaaliya kama jiri karto.

Isagoo guul iyo galladba ku fadhiya oo magac ka kasbaday ummadda Soomaaliyeed, laakiin ay dhici kartay inuu waayo maalka iyo dhaqaalaha intiisa badan afka caarkiisa ah ee ay deeq bixiyayaashu Soomaaliya siiyaan, ayaa waxay RW Farmaajo u soo dhiibtay inuu kusoo lugeeyo dhabuhuu shalay diiday isagoo waliba cagacad, Nairobina khasab iyo sandulle lagu keen0, goob joogna u ahaado canaan kulul oo dhegaha Siyaasiyiinta Soomaalida lagu shubay 25 May sanadka 2011 oo ku beegan 48 sano guuradii aasaaska ururka Midawga Afrika.

“Farmaajo ma Tanaasuley Mise Tunkaa La Qabtey?”

Siyaasada Soomaliya maalinba meel ayey joogtey 20kii sano ugu dambeysey qof walbana meel ayuu Tareenka siyaasada ka soo fuulaayey Mudane Maxamed Cabdulaahi Farmaajo ayaa soo fuuley xili ay xaalada xasaasi tahay dadkuna ay daalan yihiin xukuumad walba oo la dhisana iyadoon wax is badal ah keenin ayey ka dhamaan jirtey ama laga kaxeyn jirey waxaadna moodaa mudane Farmaajo inuusan sooyaalka taariikhda siyaasada uusan akhrisan mana xasuusan sidii ay kaga tageen asxaabtii isaga ka horeeysey oo qaarkood la oron karo waxay ahayeen kuwa Soomalida ugu kursiga jeclaa waxaana tusaale u soo qaadan karnaa Col C/hi Yuusuf Axmed oo barqo cad ka tanaasuley kursigii Madaxwenenimo iyo saaxiibkiisa ka horeeyey Prof Cali Maxamed Geedi oo aad isugu dayey inuu xoog ku joogo kadibna labadooda waxeey ku baxeen labo farood oo banaanka looga taagey waayo Madaxda soomaalida ma gaarin garaadkooda ineey tanaasulaan hadii ay fashilmaan .

Dadka qaar oo soomaalida ah waxeey ku doodaan waxaa nahay dal xor iyo dad xor ah waxeeyna banaanbaxyo iyo calamo la taagan yihiin dowladaha qaxootiga ay ku yihiin oo nabada ay u doonteen laguna soo dhoweeyey mana jirto qof isku dayaaya inuu dalka yimaado naf iyo maal gelsho waxeeyna Telfishinada ka soo muuqdaan iyagoo heeso wadani ah iyo astaantii calanka ku qaadaaya daL Shisheeye mana ahan kuwo taariikhda akhrista ama ka sheekeysta xaalada dhabta ah ee dalka ka jirta waxeey ku jiraan riyo gobonimo doon ah.

Farmaajo markii loo dhibey xilka waxuu qabtey wax la taaban karo sida musuqmaasuqa uu yareeyey waxuuna nasiib u yeeshey labo sano oo aan Amisom horey u dhaqaaqin inuu ku soo beegmey xili ay iyagu go’aansadeen ineey horey u dhaqaaqaan mana aheyn wax Farmaajo uu sameeyey mana jirin ciidan Farmaajo u gaar ah oo horumar ka sameeyey dagaalada Alshabaab lagu qaadey dhaqaaqii Amisom iyo biseelkii shacabka ayaa isku soo aadey sidaas ayuu farmaajo ku heley fursad ay dadka ugu maleeyaan halyey guulo soo hoyey waxaana meel walba laga oogey banaabaxyo lagu taageeraayo hoowlgalada ciidamada iyo kuwa Amisom xataa farmaajo naftiisa ayaa u maleeyey inuu isaga guulaha soo hoyey waayo dadkii ayaa buun buuniyey iyagoon xog ogaal u aheyn kuna faraxsan jabka Alshabaab oo kaliya .

Farmaajo markii ay la soo daristey siyaasadii kursigiisa looga qaadey markii uu kambala tagey wuu ogolaadey waayo waxaa meesha joogey Sheikh Shariif oo markii hore heshiis la galey iyo Musafeni oo ku faaney inuu yahay qofka Muqdisho ku haaya TFGda mana u banaaneyn inuu diido balse markii uu Xamar yimid ayaa waxaa been u sheegey naftiisa iyo SOMALIA DIASPORA oo aan dalka waxbadan kala socon waxuuna shitey cajalad hees ah oo ay ku duuban tahay “””HAYS CASILIN OO HAYS CASILIN “””  Iyo “”” YES, WE CAN! “””waxuuna daawadey Banaanbaxyada Yurubta ka socda waxuuna la taliyayaal ka dhigtey rag asxaabtiisa ah oo aan isaga wax awood ah kusoo kordhineyn ineey jeclaayeen inuu kursiga sii joogo mooyee .

  1. SOMALIA DIASPORA Read more
  2. SOMALIA DIASPORA Read more
  3. SOMALIA DIAS PORA Music

Waxaana heshiiskii Kambala qodob ka mid ah uu qoraayey fulinta heshiiskan waxaa u xilsaaran Madaxweynaha Yugandha taas xataa ma xasuusan mudane Farmaajo mana fiirin xataa qolkiisa jiifka waxaa hortaagan askari Ugaandheys ah waxaana laga ilaaliyaa kuwa Calanka u lu laaya qaarkood mana ka fiirsan hadalada uu kaga noqonaayey is casilaadii uu kusoo balan qaadey Kambala shacabka uu sheegaayeyna maalmo ka dib waa la aamusiyey intii joogtey goobaha ay xakuumada ka taliso mudane Farmaajo waxaa loo soo direy wafdi balaaran oo la taliya hadii uu talada diidana waxaa loo soo dhiibey cajalada ay ku duuban tahay filin cabsi cabsi ah oo Bahal Bahal ah kaas oo horey loogu shidey Mr C/hi Yuusuf iyo Prof Cali Geedi kaas oo Musafeeni copy ahaan uga soo heley Dowladaha dariska ah qaarkood oo horey ugu dhigey siyaasiyiinta Soomaalida horey ayaa loo yiri hadaa Tashan weydaan waa la idiin Talin uma baahna jawaab Soomaaliya ma xorbaa mise waa la haystaa qofkii caaqil ah waa yaqaan doqona loo sheegi mayo hadii aad is weydiiso Farmaajo ma Tanasuley mise Tunkaa la qabtey adigoon ku daalin jawaabta waa Farmaajo Tunkaa la qabtey tusaalena waxaa kuu ah Soomalida ma gaarin ineey isu tanaasusho hadii uu isku dhejin lahaana waxaa dhici laheyd ceeb iyo lama arag laakiin nin weyn wadkiisa waa yaqaanaa Farmaajo wuxuu ku baxey wax uusan u sheegi Karin taageerayaashiisa waayo markii loo dhiibaayey xilka cidna ma ogeyn .

Farmaajo inuusan tanaasuli laheyn waxaa ku cadeynaayo isagoo iska joogo tuulo ku taalo Mareykanka ooBuffalo lagu magacaabo oo aan ku fekereyn inuu xil noocaan oo kale ah qaban doono nasiibkiisa markii loogu dhiibey si sahal ah uma bixin si sahal ah intii uu awoodey waa isku dhejiyey wuxuuna isticmaley Banaanbaxyo rabshado wata oo qasaaro geystey kacdoon ciidamada qalabka sida hadii uu meel uu kaligiis ka taliyo awooda ciidamadana u madax banaanaan lahaa waxuu sameyn lahaa Afgambi ee iskama tageen marka soomaalida ha ogaato Farmaajo ma Tanaasuline tabar ayaa u deyrisey ka dibna Tunkaa la qabtey .

Ugu dambeyn Qaranka soomaaliyeed ma xorbaa mise waa la haystaa inaan ku doodno Heeso iyo Ruwaayado lagu qaado Dalal Shisheeye qarash lagu baxsho waxaa u baahan umada Masaakiinta ah hadal iyo heeso aan ficil lagu darina dal laguma xoreyn karo xornimo waxeey ku imaataa naf iyo maal in loo huro qabyaalada oo laga fogaado hadii qof walba uu qaxo kuna fekero dalka markuu dego ayaad kusoo laabaneysaa yaa dalka dejinaayo yaa naftiisa u huraayo dalka???

Maxaa dhacay? “ YES, WE CAN !” Ra’iisul wasaare (Farmaajo) wuxuu lumiyay fursaddii ahayd in uu ka mid noqdo geesiyaashii Soomaaliyeed ee u soo halgamay dadkooda iyo dalkooda

Waxaa nasiib xumo ahayd,in Maxamed Cabdullaahi Maxamed (Farmaajo) oo ahaa ra’iisul wasaarihii xoogga loo sheegtay jagadiisana xoogga looga qaaday,uusan ka soo bixin meeshii laga filaayay oo loogu hanweynaa,shacabku waxay doonayeen in Farmaajo uusan ka soo bixin dalka Soomaaliya jagadiisan uu sii hayo, maadaama ay shacabku doonayeen jeclaayeena in uu hoggaamiye u noqdo kuna faanaan,taariikhdooduna ay gashadaan,laakiinse mey dhicin wixii ay shacabku filayeen,waxaana shacabkii ku dhacay niyad jab iyo jahowareer markuu Farmaajo go’aansaday in uu jagadiisa ka degayo,dalka iyo dadkana uu isaga tegayo,waxayna shacabkii Soomaaliyeed ee xamaasada ku dheehnayd ay noqdeen shacab aan geesi u maqnayn hoggaamiyana u maqnayn,wuxuuna Farmaajo noqday oo uu doortay waddada ah naftayda uun aan badbaadiyo oo Muqdishow mar uun aan ka tago.

Geesiyaal naftood hurayaal ahaa waxaa Soomaaliya ugu danbaysay halyeeyadii xisbigii gobannimodoonka ahaa ee S.Y.L.,geesiyaashii 13ka ahaa ee u soo halgamay gobannimodii dalka Soomaaliya,waxayna shacabku marna illoobayn neecawda xorriyadda ee aynu maanta hiigsanayno ay inoo keeneen 13kii halyey oo naftooda iyo maalkooda iyo waqtigooduba u huray sidii ay dadka iyo dalkuba uga xorrayn lahaayeen gumeystayaasha.

Arrintaa kaddib,wuxuusan shacabku helin halyey ama geesi u soo baxa,inkastoo mar ay soo dhowaatay in shacabku ay siiyaan magaca halyey ama geesi Maxamed Siyaad Barre kaddib markuu ku dhaqaaqay in uu baladkiina dhiso,ciidankiina uu dhiso,haddana taasi mey noqon in uu qaato magaca halyey,maxaa yeelay ina Siyaad Barre wuxuu afkana ka oranaayay Soomaaliyey,hoostana wuxuu ka oranaayay qabiilkayagow,wasiiradiisana wuxuu ku soo dhisay habka qaabiilka loo yaqaano, habkaasoo haddii maamul kasta lagu soo dhiso uu khasaarayo,sidaas daraadeed shacabku mey helin wixii ay ka filayeen ina Siyaad barre, waxaana shacabkii ku dhacay niyad jab dhexdooduna waxaa lagu abuuray nacayb.

Markii xukunka laga tuurayna ina Siyaad Barre ayaa dawlad ku sheegyadii iyo madax ku sheegyadii isku bedbeddaleen maamulkii dalka,waxay giddi noqdeed kuwo ilaalsada danahooda gaar ahaaneed danna aysan ka gelin danta dalka iyo dadkuba,waxaynu shcabaku markaasi waayeen halyeey iyo geesi u soo baxa,waxaa kaloo madaxda cusub ee ku soo caan baxday dagaallada sokeeye la soo baxeen falal argaggixiso ah oo qaarkooda waxay u bareereen in bariga iyo badda Soomaaliya ay ku aasaan sunta iyo qashinka warshadaha Yurub laga keeno iyagoo arrinkaasi ku helaayay maal faro badan,kuwo kalena waxay maal ku heleen in khayraadkii dalka ay xoog ku qaataan kaddibna ay dibedda u iib geeyaan, kuwona waxay bilaabeen in ay qasri iyo villooyin ka iibsadaan ama ka dhistaan waddamada Afrika,Yurub iyo waliba waddamada carabta.

Sannooyinkaas oo silica iyo rafaadka lagu jiray kaddib oo gudaha iyo dibeddaba lagu dhibaataysnaa ayaa mar uun waxay shacabkii ka war heleen in Muqdishow ay degtay oo qolyihii maxaakiimta ay magaaladii ku soo celiyeen nabaddii iyo xasilloonidii,shacabkii waxay heleen farxad iyo reyrreyn waxayna u riyaaqeen guusha maxaakiimta,waxaana ku soo noqotay neecawdii farxadda,wuxuuna qof kasta oo dibedda joogay diyaarsaday oo xirxirtay shandadiisa wuxuuna go’aansaday in uu dib ugu laabanayo dalkiisa hooyo iyo dadkiisa Soomaaliyeed,hayeeshe cadowgu ma hurdee danaystayaashuna ma hurdaane waxay olole u galeen sidii ay u wiiqi lahaayeen horumarkaas.

Danaystayaashu waxay durba ka naxeen in maxaakiimtu ay ku dhawaaqday in qof kasta uu dib u celinaayo gurigii uu dhacay,dadkii masaakiinta ahaa ee reer Marka iyo magaalooyinka la mid ahna oo guryahooda xoogga looga qaatay in dib loogu celinaayo,danaystayaashu waxay markaasi bilaabeen in ay shirqoollo u dhigaan maxaakiimtii si loo wiiqo horumarkooda iyagiina waa maxaakiimte ma noqon dad taxadara,waxayna danaystayaashu ay hoosta ka geliyeen maxaakiimta in la weeraro Itoobiya,lama hubsan oo taladii danaystayaasha ayaa warkooda la raacay,wuxuuna qofku u baahan yahay in marka uu tallaabo qaadayo uu ka fiirsado,Soomaaliduna waxay tiraahdaa:hadal aan fiirsi loo oran iyo caano aan fiiqsi loo cabbin labaduba feeraha ayay waxyeelaan,nasiib xumo maxaakiimtu waxaysan ka taxadirin cadowga Soomaaliya iyo kuwa u shaqeeyaba oo iyagu ka naxay xorriyaddaas iyo nimcadaas ay la yimaadeen maxaakiimta,waxayna bilaabeen in dadkii ay dhex dhigaan fitno iyo qalalaanse,waxayna keentay in hal mar la waayo farxaddii.

Waxaa nasiib xumo ah in dawladihii la soo dhisay markii la riday xukuumaddii Maxamed Siyaad Barre kaddib ay ku jireen kuwii shacabka dhiiggooda dhuuqayay, kuwii shacabka ka boobay guryahooda,kuwii u horseeday in dalka ay u soo hoggaamiyaan cadowga,waxaa kaloo iyana nasiib xumo ah in kuwaasi iyo kuwo la mid ahba ay maanta calaacalayaan oo ay leeyihiin ba’ayeey dalkii iyo dadkii waa la haysta,dalkii wuxuu ku jiraa maxmiyad, Soomaaliyey isu taga,kuwa waxaas ku dhawaaqaya waa kuwii ku koraya dagaalladii sokeeye kuna maalaystay,qaarkoodna ay maalkii shacabka ka dhisteen daaro,carruurtooda iyo xaasakoduna ay dibedaha u joogaan,waxayna maanta iska dhigayaan dad waddaniyiin ah oo daacad ah.

Waxaa ayaandarro ah in Farmaajo sida uu u khasaariyay in uu shacabka Soomaaliyeed u noqdo halyey,marmarsiiyana noqon mayso,awood ayaa lay sheegtay ama waa lay dilaya, halyeeyada adduunka waxay magac iyo muuno ku yeesheen markii ay si geesinimo ah uga soo horbaxeen cadowga shacabka,geesiyaashii naftooda ku waayay danta dalka iyo dadka iyo kuwii guulaystayba waxay baal dahab ah ka galeen taariikhda shacabkoooda,waxaase nasiib xumo ah in Farmaajo uu maanta ka nixiyay shacabkiisa oo uusan maqlin hadalkooda,hadduu dhimasho ka baqaayayna kolley waa mid qof kasta sugeyse,waxaa sharaf iyo qiime u lahaan lahayd in uu dadkiisa la dhex noolaado dalkiisana uu ka badbaadiyo cadowga diinta islaamka iyo cadowga dalka iyo dadka Soomaaliyeed.

Categories: Truth to Power | Leave a comment

Shariif Xasan oo xildhibaanada ugu baaqay inay u diyaar garoobaan dib u habeynta baarlamaanka

Isniin, Jannaayo 16, 2012 (MomentMedia) − Guddoomiyaha baarlamaanka Soomaaliya, Shariif Xasan Sheekh Aadan oo saxaafadda kula hadlay Muqdisho ayaa sheegay in looga baahan yahay xildhibaannada baarlamaanka inay ilaaliyaan sharciga dalka u dagsan ayna isku diyaarinayaan sidii isbedel loogu sameyn lahaa baarlamaanka.

Continue reading

Categories: Truth to Power | Leave a comment

War deg deg ah Wakiil kii labaad ee qaramada Midoobay u qaabilsanaa arimaha Siyaasada ee Soomaaliya oo shaqadii laga fadhiisiyey iyo Qilaafkii ugu xumaa oo xafiiska kadhex jira (Maxaa kala socotaa sababta looga fadhisiyey Shaqada )

Wakiiliii labaad ee u qabaabilsanaa arimaha siyaasada ee Soomaaliya ee qaramada Midoobay ( UNPOS) magaciisana lagu magacaabo Christan R Manahl ayaa shaqada looga ceeriyey arimo ah in uu ka shaqeeyo xalka dhabta ah ee Soomaaliya isagoona ka hor yimid shirka shir qoolka umada Soomaliyeed uu garwadeenka ka yahay Mahiga taana waxay keentay in shaqada uu isaga tago kadib markii ay weerar ku qadeen Mahiiga iyo Gacanyarahisa .

Continue reading

Categories: Truth to Power | 2 Comments

Shirkii Garoowe oo lagu qarash gareeyey 6 Malyan oo doolar iyo qaramada miidoaby xafiiska siyaasada ee Soomaliya oo ay buuq ka dhalisay bixinta lacagtaasi

Shirkii Garoowe oo socday dhowr cisho ayaa la sheegay in ay ku baxday qarash dhan 6 Malyan oo doolar sidan ka soo xiganay rag sar sare oo ka tirsan xafiiska madaxtooyada oo ka careysan qarashkaas badan oo ku baxay shirkaas muda yar socday

Continue reading

Categories: Truth to Power | 1 Comment

Wasiirka koowaad ee Soomaaliya oo 2 Maalin ku qarash gareeyey 80 Kun USD Muqdisho to Naroobi xili Ciidamada Xooga baahi darteed isku xabadeynayaan Maxaase kala socotaa qarashka ka soo xarooda Dekada weyn iyo Eraboorka Adan Cade

Wasiirka koowaad ee Soomaaliya Cabdi wali Cali Gaas ayaa safar 2 cashaa ku tagay magalada Naroobia ee Dalka Kenya isagoona sida la sheegay ku baxday qarash dhan 80 kun oo Doolar oo sida muuqata xiligaan mac quul aheen madaama dalka ku jira xaalad adag oo keentay in ciidamada xooga dalka la siinwaayo dhowr bil wax mishear ah taana waxay keentay in ay isku dhacaan labada ciidan ee safka iskula jiray iyadoona isbaarooyinka ay ku soo badanayaan magaalada Muqdisho.

Continue reading

Categories: Truth to Power | Leave a comment

Create a free website or blog at WordPress.com. The Adventure Journal Theme.

Follow

Get every new post delivered to your Inbox.